MTS ONLINE RADIO ထုတ်လွှင့်မှူ အစီစဉ်အား
ခေတ္တရပ်နားထားပါသည်။သို့ သော်လည်း အခြားသောအစီစဉ်များပုံမှန်အတိုင်း UP TO DATE ဖြစ်အောင်ကြိုးစားပေးလျှက်ရှိပါသည်။


*အဝေးရောက်မြန်မာနိုင်ငံသားများ
အတွက် ပြည်တွင်းပြည်ပ သတင်းများ ၊ကျန်းမာရေး နှင့် ဗဟုသုတရဖွယ်ရာ ဆောင်းပါး၊ ပညာပေး ၊ ကဗျာများ ကို www.myittarshin.com တွင် ဖတ်ရှူ နိုင်ပါသည်။*


"MTS Online Radio"

မေတ္တာရှင်ပရဟိတနှင့်၂၄နာရီအွန်လိုင်းရေဒီယို ဆိုက်ဒ်တွင် အလှူအတန်းတိုင်းအတွက် အများထံမှအလှူငွေ "လုံးဝ" ကောက်ခံခြင်းမရှိပါ။လစဉ်ကြေးနှစ်စဉ်ကြေးများလည်းမကောက်ခံပါ။အခြားသောပရဟိအဖွဲ့ အစည်းနှင့်(သို့မဟုတ်)နာမည်တူပရဟိအသင်း/အဖွဲ့ စည်းများနှင့်လည်းမသက်ဆိုင်ပါ။အသေးစိတ်သိရှိလိုလျှင် မူလစာမျက်နှာအောက်ဆုံးတွင် Slide Show ကိုသေချာဖတ်ရှုခြင်းဖြင့် နားလည်သဘောပေါက်နိုင်ပါလိမ့်မည်။အရှင်းဆုံးနှင့်လူတိုင်းလွယ်ကူစွာသဘောပေါက်စေရန်ရေးသားဖော်ပြထားပါသည်။မှတ်ချက်...ယနေ့ခေတ်တွင်ပရဟိတ နာမည်ဟုခေါင်းစဉ်တပ်ပြီး စီးပွားရှာနေကြသောဆိုက်ဒ်ပေါင်းများစွာရှိနေကြသဖြင့် မိတ်ဆွေများ မှန်ကန်သောအလှူမျိုးကိုသာ မှန်ကန်စွာရွေးချယ်လှူဒါန်းနိုင်ကြစေရန် သတိပေးနှိုးဆော်လိုက်ရပါသည်။


မေတ္တာရှင်ပရဟိတနှင့်အွန်လိုင်းရေဒီယိုဆိုက်ဒ်တွင် အခကြေးငွေနှင့်ပတ်သတ်သည့် မည်သည့်ကြော်ငြာမှလက်မခံပါ။ကြော်ငြာလက်ခံမှုဖြင့်စီးပွားရှာသော ဆိုက်ဒ်မဟုတ်ပါသဖြင့် သက်ဆိုင်ရာဆိုက်ဒ်များသို့ သာဆက်သွယ်ကြပါ။ဤဆိုက်ဒ်တွင် ငွေကြေးနှင့်ပတ်သက်မည်သည့်ကိစ္စမှလက်မခံပါ။ကျေးဇူးတင်ပါသည်။

MTS Online Radio နားဆင်ရန် Radio Sever Link အသစ်မှာ http://173.255.137.7/MTS ဖြစ်ပါသည်။(ယခင် Old Sever Link ဖြစ်တဲ့ http://209.212.144.155/MTS အားအသုံးမပြုတော့ပါ)။ရေဒီယိုနားဆင်ရန် www.myittarshin.com and http://173.255.137.7/MTS တုိ့တွင်အဆင်ပြေမည့်လင့်ခ် တခုခုဖြင့်နားဆင်နိုင်ပါသည်။

Video Downloader Software

Web sites & youtube မှ Video များကို Download ယူရန်အခက်တွေ့ နေသူများအတွက်
>>>>>Download Here <<<<<

Monday, December 26, 2011

ဗုဒ္ဓ္ဓဘာသာနှင့် ၀တ်စားဆင်ယင်မှူ


ဗုဒ္ဓ္ဓဘာသာနှင့် ၀တ်စားဆင်ယင်မှူ
ဦးဇင်းတို့ရဲ့အမိမြန်မာပြည်ကြီးဟာ
ကမ္ဘပေါ်မှာ ထေရ၀ါဒ ဗုဒ္ဓဘာသာဆိုရင်ဖြင့် မြန်မာပြည်နှင့် တွဲပြီးမှ မှတ်သားလာရသည့်အထိအခြားသောနိုင်ငံတွေမှာဖြစ်ကြရတယ်မြန်မာပြည်ကြီးကသာသနာ့တံခွန်လွှင့်တင်နိုင်ခဲ့တာသမိုင်းအစဉ်အလာကြီးမားတဲ့နိုင်ငံဖြစ်ပါသည်။ရွှေရောင်တွေတဝင်းဝင်းနှင့်သာသနာ့ရောင်ဝါထွန်လင်းတောက်ပလှသောမြန်မာပြည်ကြီးတွင်မှီတင်းနေထိုင်ကြကုန်သောမြန်မာပြည်သူပြည်သားတို့မှာလည်းမြတ်ဗုဒ္ဓရဲ့သာသနာတော်ကြီး၏အဆုံးအမအောက်တွင်ယဉ်ကျေးသိမ်မွေ့စွာ၊ဖေးမကြင်နာစွာ၊ပျော်ရွှင်ကြည်နူးစွာ၊ နားလည်စာနာမူရှိစွာ၊ အားပေးကူညီတက်စွာနှင့်တစ်ဦးကိုတစ်ဦးဆွေမျီုးသားအချင်းပမာမေတ္တာတရား၊ ထားတက်ကြပုံမှာကမ္ဘာတွင်အံ့သြမခန်းကိုယ့်ကြငှန်းနှင့်ကိုယ်ပိုင်ယဉ်ကျေးမူ၊ကိုယ်ပိုင်ဝတ်စားဆင်ယင်မူများတို့ဖြင့်ကမ္ဘာ့ကြီးရဲ့အလယ်တွင်တင့်တယ်ခဲ့ကြသည်။ထိုသို့ယဉ်ကျေးသိမ်မွေ့စွာပြောဆိုနေထိုင်ဝတ်စားသွာလာမူတို့သည်မြတ်ဗုဒ္ဓရဲ့ဘာသာတရား၏အဆုံးအမအောက်တွင်တည်နေကြသည်မှာမလွဲဧကန်အမှန်ပင်ဖြစ်ပါသည်။
သူတော်ကောင်းတရားတွေများနှင့်နားဝင်ယဉ်ကျေးသိမ့်မွေ့စွာနေခဲ့ကြတဲ့ဦးဇင်းတို့ရဲ့မန်မာတွေမှမယဉ်ကျေးလျှင်မည်သူတွေကများယဉ်ကျေးနိုင်ပါ့တော့မလည်း။မကောင်းမှုလုပ်ရမှာ၊မကောင်းတာပြောရမှာကိုရှက်ခြင်း၊မကောင်းသောအပြုအမှုအပြောအဆိုအလုပ်အကိုင်တို့ကိုပြုမှုပြောဆိုလုပ်ကိုင်ရမှာတို့ကိုကြောက်တတ်ခြင်းဆိုသည့် တရားနှစ်ပါးက မယဉ်ကျေး ယဉ်ကျေးလာလေအောင် မသိမ်မွေ့သိမ်မွေ့လာလေအောင်သတိပေး ပြောဆိုညွန်ကြား ဆုံးမနေသလိုပင် ဖြစ်နေသည်မဟုပ်ပါလား။မိမိတို့ရဲ့ကိုယ်ပိုင် ဝတ်စားဆင်ယင်မမှုများနှင့် ကိုယ်ပိုင်ယဉ်ကျေးမှုများတို့ဖြင့်ကမ္ဘာကြီးရဲ့အလယ်တင့်တယ်ခဲ့သောဦးဇင်းတို့မြန်မာတိုင်းရင်းသားအားလုံးတို့သည်ရေမြေဥတုယဉ်ကျေးမှုနှင့်ဘာသာတရားကွဲပြားခြားနားလှသောအနောက်နိုင်ငံသားတို့၏ထုံးစံ(စတိုင်လ်)ဟန်ပန်တို့ကိုအတုခိုးယူကာသုံးစွဲဝတ်စားဆင်ယင်လာကြသည်မှာရှက်စရာကြောက်လန့်စရာကောင်းရုံသာမက ပဲအမျိုးဘာသာ သာသနာတော်ကြီး ညှိုးနွမ်းသွားမှာကိုပင် စိုးမိလှပါတယ်။
ထိုကဲ့သို့အနောက်တိုင်းယဉ်ကျေးမှုများစိုးမိုးချယ်လှယ်မှုမျီုးကိုဦးဇင်းတို့ရဲ့မန်မာပြည်သူလူငယ်လူရွယ်အများစုတို့ ၀တ်စားဆင်ရင်နေကြသည်မှာအဘယ်ကြောင့်ဖြစ်သနည်းဟုဆန်းစစ်ကြည့်လျှင်အတုမြင်အတက်သင် မှုတို့ကြောင့် ဖြစ်ပါသည်။ရှေးတုန်းက မြန်မာလူမျိုးတို့သည် မိမိတို့ရဲ့သားသမီးများကို ငယ်စဉ်တောင်ကျေး ကလေးဘဝကတည်းကဗုဒ္ဓဘာသာတရားရဲ့အဆုံးအမ၊သာသနာ၏အဆုံးအမအောက်တွင်ယဉ်ကျေးသိမ်မွေ့စွာလူငယ်လူရွယ်များဖြစ်လာအောင်ဘုန်းတော်ကြီးကျောင်းများသို့သွား၍စာချစာသ်ဆရာတော်တွေထံမှာအပ်ကာ ဗုဒ္ဓစာပေပညာသင်ကြားခြင်း ၊ဥပုသ်သီတင်းဆောက်တည်ခြင်းတို့ကိုမမေ့မလျော့ဆောင်ရွက်ခဲ့ခြင်း တို့ကြောင့် ပန်းပွင်များအားထုပထာ်းသောဖက်ပမာ မွှေးပျံ့ခဲ့ကြလေသည်။
အမျိုးသားများ ဆိုလျှင်လည်း ပုဆိုး၊ ရှပ်အကျိင်္အဖြူနှင့် တင့်သကဲ့သို့ အမျိုးသမီးများသညပင်လည်း ထမီ ရင်ဖုံးရင်စေ့ ခါးတို ခါးရှည်စသည်တို့ဖြင့် ရိုးရှင်းလှပကာခုန်မင်နှစ်သက်ဖွယ်ကောင်းသည်ဟုကြားဖူးပါသည်။
ယ္ခုမူကားထိုကဲ့သို့မဟုတ်ခဲ့ပြီးတကား။လူကြီးမိဘများလည်းမိမိတို့ရဲ့သားသမီးများ၏ဝတ်စားဆင်ယင်ပြောဆိုပုံမှစ၍ယဉ်ကျေးသိမ်မွေ့မှု ပျောက်နေပုံကို သတိမမူတော့ပဲ ခေတ်စနစ်ကိုလွဲချကာ ဥပေက္ခာပြုလျက် ရှိနေတက်ကြပေလေသည်။
ဗုဒ္ဓဘာသာတရား၏ကျောင်းတော်ကြီးများဖြစ်သောဘုန်းကြီးကျောင်းများသို့မိမိတို့မိဘများကိုယ်တိုင်ပင်လည်း တစ်ခါတစ်ရံမှသာသွားလာဘိသကဲ့သို့ မိမိတို့ရဲ့သားသမီးများကိုလည်း စေလွှတ်ခြင်းများမပြုလုပ်ကြတော့သည်မျာအလွန်ပင်ဝမ်းနည်းစရာကောင်းလှပေတယ်။
မြန်မာတို့နှင့် ဖီလာဆန့်ဘက်ဖြစ်သော အနောက်တိုင်းနိုင်ငံတို့ရဲ့ ယဉ်ကျေးမူတို့သည် ထိုနယ်ပယ်များမှ တဆင့် လူငယ်လူရွယ်များ၏ အတုယူစိတ်ကို လမ်းလွှဲသို့ ဆွဲဆောင်ခေါ် ယူနိုင်ခဲ့ပေသည်။အထူးသဖြင့် မြန်မာအမျိုးသမီးများကအဓိကကျလှပါသည်ဟုထင်သည်။ အချို့သောမြန်မာအမျိုးသမီးများသည်မြန်မာပြည်မှာနေပြီးမြန်မာလူမျီုးမိဘများတို့မှပေါက်ဖွားကြီးပြင်းလာသောကြောင့်မြန်မာအမျိုးသမီးများဟုခေါ်တွင်မှတ်ယူကြပါသည်။ထိုအမျိုးသမီးတို့၏ဝတ်စားဆင်ယင်မူဟန်ပန်မူယာတို့မှာ မြန်မာလူမျိုးတို့၏ ယဉ်ကျေးမူဟန်ပန်များနှင့် ဆန့်ကျင်ဘက်ဖြစ်နေတာတွေကိုတွေရပါသည်။
အရှက်အကြောက်တရားတို့ကိုလုံးဝမေ့ထားကြဟန်ရှိသည်ဗုဒ္ဓဘာသာတရား၏အဆုံးအမများနှင့်ဝေးကွာခဲ့ကြလေပြိလားလို့တွေးဆမိသည်။ရိုးရိုးရှင်းရှင်းနှင့်မြန်မာဆန်ဆန်ဝတ်စားဆင်ယင်သူများလည်းရှိကြပါသည်။ အများစုမှာတိုတောင်းသောစကပ်၊ကောက်ညှင်းထုပ်စည်းသကဲ့သို့ကြပ်ညှပ်လှသောထမီစကပ်ဆိုလား(သေချာတော့မသိပါ)ရင်ဟိုက်ကိုယ်ကြပ်ချက်ပေါ်ကြိုးပျောက်တို့နှင့်ရှက်စရာအလိလိများကိုပင်တွေ့မြင်ဘူးပါသည်။ငွေကြေးတစ်ခုတည်းကိုသာ ကြည့်ကာ လူမျိုးဘာသာ ယဉ်ကျေးမှုစရိုက်စတာတွေ ကွဲပြားလှသော နိုင်ငံခြားသားများကိုပေါင်းသင်းလက်ထပ်နေကြသည်မှာလည်းအလွန်ပင်ဝမ်းနည်းစရာစိတ်မကောင်းစရာဖြစ်ရပြန်ပါသည်။
မြေမျိုပြီး လူမျိုးမကုန်နိုင်ပါ။ လူမျိုမှသာ လူမျိုးကုန်နိုင်သညမဟုပ်ပါလား။ဦးဇင်းတို့ရဲ့ မြန်မာ့ယဉ်ကျေးမှု မြန်မာလူမျိုး မြန်မာ့ဓလေ့တို့ သည်ကားကမ္ဘာအလယ်မှာ ထင်ရှားစွာ ဆက်လကပြိးတော့်တည်ရှိနေရန်မှာ မြန်မာအမျိုးသားအမျီုးသမီးထု၏ကြီးမားသောသမိုင်းပေးတာဝန်တရပ်ပင်ဖြစ်ပါသည်။ယ္ခုကားကြောက်စရာကောင်းသောယဉ်ကျေးမှုတို့ကြောင့်ဗုဒ္ဒသာသနာ့နယ်မြေတို့သည်လည်းပန်းခြံကဲ့သို့ဖြစ်ချင်တိုင်းဖြစ်နေလေပြီ။"မြက်ခင်းပေါ်မနင်းရ"ဆိုတဲ့စာသားများသည်စည်းကမ်းမရှိသော၊ယဉ်ကျေးမှုသိမ်မွေ့မှုမရှိသောသူတွေရှိနေကြတဲ့အတွက် ရေးထားရခြင်းသာ ဖြစ်ပါသည်။
မိမိတို့ရဲ့ကိုယ်ပိုင်အသိစိတ်ဓာတ်နှင့်ဆင်ခြင်တုံတရားရှိနေမည်ဆိုပါကထိုသို့သောစာတန်းများကိုရေးသားရလိမ့်မည် မဟုတ်ချေ။ ထိုနည်းတူစွာ ဘုရားစေတီ စောင်းတန်း စသော ဗုဒ္ဓသာသနာပိုင်နယ်မြေများပေါ်တွင် အတွဲများမဖွယ်မရာပြုမှုခြင်းများကိုဖမ်းဆီးဖယ်ရှားနေရသည်မှာလည်းဗုဒ္ဓဘာသာတရားအထွန်းကားဆုံးနိုင်ငံဖြစ်သောအမိ မြန်မာနိုင်ငံအနေဖြင့် ရှယ်စရာအလိလိပင်ဖြစ်ပါသည်။အခြားအခြားသောဘာသာကြီးများ၏ အဆောက်အဦးများဖြစ်သောဗလီ၊ချပ်ကျောင်းများတို့တွင်ထိုဘာသာဝင်တို့သည်ယင်းသို့ပြုမှုဆောင်ရွက်ခြင်းများမရှိသည်ကိုလေ့လာတွေ့ရှိရလေလေရှက်ရွံ့ဝမ်းနည်းစိတ်မကောင်းဖြစ်ရလေလေဖြစ်မိပါသည်။ထိုကြောင့်မိမိတို့ရဲ့ကိုယ်ပိုင် အသိစိတ်ဓာတ် နှင့် ဆင်ခြင်ကြလျှင် အကောင်းဆုံး ဖြစ်မည်ဟုဦးဇင်းထင်မိပါသည်။
ဝတ်စားဆင်ယင်မှုကို လုံခြုံစွာ ဝတ်စားဆင်ယင် သင့်ကြပေသည်။ အကွဲအပြဲ အဖော်အဟိုက်များသည် မလိုလားအပ်သောဘေးရန်များဝင်ရောက်စေနိုင်သလိုရန်သူတို့ကိုဖိတ်ခေါ်နေသကဲ့သို့ဖြစ်နေသည်မဟုပ်ပါလား။”ဖုံးကွယ်ထားသောအရာသည်လှစ်ဟဖော်ထုတ်ထားသောအရားများထက်များစွာတန်ဖိုးကြီးမားလှပါသည်ဟုဦးဇင်းထင်မိပါသညိ။ရွှေထက်ပင်တန်ဖိုးကြီးမှားလှသောမိန်းမတို့၏အိဒြေ္ဒသိက္ခာတရားများကိုဖော်ထုတ်ပြသနေခြင်းသည် လှပလာခြင်းမဟုတ်ပဲ ပျက်စီးလာခြင်းပင် ဖြစ်နေပေမည်။
ဗုဒ္ဓဘာသာရဲ့ဘာသာရေးတရားအရကြည့်မည်ဆိုလျှင်လည်းတဏှာဆိုသောညစ်ညမ်းမှုကြီးပင်ဖြစ်ပါသည်။”
မြန်မာတို့ပြည်ရှိတိုင်းရင်းသား၏ကိုယ်ပိုင်ဝတ်စားဆင်ယင်မှု၊ကိုယ်ပိုင်ယဉ်ကျေးမှုတို့ကိုမပျေက်မပျက်ရလေအောင်၊ တခြားဘာသာဝင်များအနေဖြင့်မိမိတို့ဘုရားကျောင်းကန်သာသနာ့နယ်မြေများကိုလေ့လာဝင်ထွက် မှတ်သားထားကြသည့်အခါ မေးငေါ့ရှုတ်ချစရာ မဖြစ်ရလေအောင်၊ ကမ္ဘာပေါ်တွင် ထေရဝါဒဗုဒ္ဓဘာသာကြီး မကွယ်မပျောက်ရလေအောင်၊ဗုဒ္ဓဘာသာကြီးနှင့်ယှဉ်တွဲမှတ်သားရသောမြန်မာပြည်မြန်မာလူမျိုးတိုင်းရင်းသားတို့ မပျောက်ဆုံးမတိမ်ကော သွားရလေအောင် မြန်မာပြည်သူပြည်သား အားလုံးတို့ရဲ့သမိုင်းပေးတာဝန် တစ်ရပ်အနေဖြင့် လိုက်နာဆောင်ရွက်ကြရမည်မဟုပ်ပါလား။
မြန်မာနိုင်ငံတော်အတွင်းရှိတိုင်းနှင့်ပြည်နယ်တက္ကသိုလ် ကျောင်းသားကျောင်းသူများကို မြန်မာဆန်ဆန် ဝတ်စားဆင်ယင်စေပြီး မြန်မာ့တက္ကသိုလ် ကျောင်းတော်ကြီးများ၏ အလှပေါ်အယဉ်ဆင့် စေခဲ့သည်မှာ အလွန်တရာမှဝမ်းသာကြည်နှုးဖြစ်ခဲ့ရပါတယ်။ထို့အတွက်ကြောင့် မြန်မာပြည်သူ ပြည်သားများအနေဖြင့် မိမိတို့ရဲ့ ကိုယ်ပိုင် အသိစိတ်ဓာတ်ဖြင့် မိမိတို့၏ဘာသာသာသနာအကျိုးကို ရှေးရှုပြီး ဘုရားကျောင်းကန် စေတီပုထိုးများနှင့်ဗုဒ္ဓဘာသာသာသနိကအဆောက်အဦးများဝတ္တကနယ်မြေများပေါ်တွင်ဝတ်စားဆင်ယင်မှုမှအစ ပြုမှုဆောင် ရွက်နေထိုင်မှုများအားမိမိတို့ရဲ့ကောင်းမြတ်သောအသိစိတ်ဓာတ်လေးများဖြင့် ကျောင်း ကန်ဘုရားသွားကြတဲ့အခါမြန်မာဆန်ဆန်ဝတ်စုံလေးများဖြင့်သွားလာကြရန်နှင့်လူကြီးမိဘဆရာသမားတို့၏ရှေ့တွင်ရိုသေ၀တ်တွားစွာဂရုဂရ၀တရားများဖြင့်မြန်မာလူမျီုးများပိပိထိန်းသိမ်းစောင့်စောင့်ကြပြီးကမ္ဘာ့အလယ်တွင်ဗုဒ္ဓဘာသာမြန်မာများဆိုတာကိုဗုဒ္ဓဘာသာ၏အဆုံးအမများနဲ့သက်သေပြကြပါလို့တိုက်တွန်းရင်းဒိပို့စ်လေးဖြင့်ကုသိုလ်ပြုလိုက်ပါသည်။
အရှင်မုနိန္ဒ(ပန်းထို)
M.A.မာဂဓတက္ကသိုလ် အိန္ဒိယ

No comments:

Post a Comment

တင်ပြီးသော ပို့ စ်များကို အောက်တွင် Click နှိပ်ပြီးဖတ်ရှုန်ိုင်ပါသည်။