MTS ONLINE RADIO ထုတ်လွှင့်မှူ အစီစဉ်အား
ခေတ္တရပ်နားထားပါသည်။သို့ သော်လည်း အခြားသောအစီစဉ်များပုံမှန်အတိုင်း UP TO DATE ဖြစ်အောင်ကြိုးစားပေးလျှက်ရှိပါသည်။


*အဝေးရောက်မြန်မာနိုင်ငံသားများ
အတွက် ပြည်တွင်းပြည်ပ သတင်းများ ၊ကျန်းမာရေး နှင့် ဗဟုသုတရဖွယ်ရာ ဆောင်းပါး၊ ပညာပေး ၊ ကဗျာများ ကို www.myittarshin.com တွင် ဖတ်ရှူ နိုင်ပါသည်။*


"MTS Online Radio"

မေတ္တာရှင်ပရဟိတနှင့်၂၄နာရီအွန်လိုင်းရေဒီယို ဆိုက်ဒ်တွင် အလှူအတန်းတိုင်းအတွက် အများထံမှအလှူငွေ "လုံးဝ" ကောက်ခံခြင်းမရှိပါ။လစဉ်ကြေးနှစ်စဉ်ကြေးများလည်းမကောက်ခံပါ။အခြားသောပရဟိအဖွဲ့ အစည်းနှင့်(သို့မဟုတ်)နာမည်တူပရဟိအသင်း/အဖွဲ့ စည်းများနှင့်လည်းမသက်ဆိုင်ပါ။အသေးစိတ်သိရှိလိုလျှင် မူလစာမျက်နှာအောက်ဆုံးတွင် Slide Show ကိုသေချာဖတ်ရှုခြင်းဖြင့် နားလည်သဘောပေါက်နိုင်ပါလိမ့်မည်။အရှင်းဆုံးနှင့်လူတိုင်းလွယ်ကူစွာသဘောပေါက်စေရန်ရေးသားဖော်ပြထားပါသည်။မှတ်ချက်...ယနေ့ခေတ်တွင်ပရဟိတ နာမည်ဟုခေါင်းစဉ်တပ်ပြီး စီးပွားရှာနေကြသောဆိုက်ဒ်ပေါင်းများစွာရှိနေကြသဖြင့် မိတ်ဆွေများ မှန်ကန်သောအလှူမျိုးကိုသာ မှန်ကန်စွာရွေးချယ်လှူဒါန်းနိုင်ကြစေရန် သတိပေးနှိုးဆော်လိုက်ရပါသည်။


မေတ္တာရှင်ပရဟိတနှင့်အွန်လိုင်းရေဒီယိုဆိုက်ဒ်တွင် အခကြေးငွေနှင့်ပတ်သတ်သည့် မည်သည့်ကြော်ငြာမှလက်မခံပါ။ကြော်ငြာလက်ခံမှုဖြင့်စီးပွားရှာသော ဆိုက်ဒ်မဟုတ်ပါသဖြင့် သက်ဆိုင်ရာဆိုက်ဒ်များသို့ သာဆက်သွယ်ကြပါ။ဤဆိုက်ဒ်တွင် ငွေကြေးနှင့်ပတ်သက်မည်သည့်ကိစ္စမှလက်မခံပါ။ကျေးဇူးတင်ပါသည်။

MTS Online Radio နားဆင်ရန် Radio Sever Link အသစ်မှာ http://173.255.137.7/MTS ဖြစ်ပါသည်။(ယခင် Old Sever Link ဖြစ်တဲ့ http://209.212.144.155/MTS အားအသုံးမပြုတော့ပါ)။ရေဒီယိုနားဆင်ရန် www.myittarshin.com and http://173.255.137.7/MTS တုိ့တွင်အဆင်ပြေမည့်လင့်ခ် တခုခုဖြင့်နားဆင်နိုင်ပါသည်။

Video Downloader Software

Web sites & youtube မှ Video များကို Download ယူရန်အခက်တွေ့ နေသူများအတွက်
>>>>>Download Here <<<<<

Sunday, May 13, 2012

ပြည်ခိုင်ဖြိုးပါတီ ကော်မတီဝင် အဆင့်ဆင့် ရွေးချယ်မှု စတင်

မန္တလေး၊ မေလ ၁၃ ရက်၊ ၂၀၁၂ ခုနှစ်-ကျော်သူရမျိုး(YPI)
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီသည် ပါတီတစ်ခုလုံး၏ သက်ဆိုင်ရာကော်မတီဝင် အဆင့်ဆင့်များကို ပြန်လည်ရွေးချယ်မှုများ စတင်ပြုလုပ်နေပြီဟု ယင်းပါတီဗဟိုဌာနချုပ်မှ  သိရှိရသည်။
“ဒီလထဲမှာ လုပ်ခဲ့တဲ့ ပါတီရဲ့ဗဟိုအစည်းအဝေး ဆုံးဖြတ်ချက်အတိုင်း ဆောင်ရွက်သွားခြင်း ဖြစ်ပါတယ်”ဟု ယင်းပါတီဗဟိုဌာနချုပ်မှ အမည်မဖေါ်လိုသည့် တာဝန်ရှိသူတစ်ဦးက ပြောသည်။
မန္တလေးတိုင်း တိုင်းကော်မတီဝင် တဦးကလည်း “ပထမဆုံး ရပ်/ကျေး စည်းရုံးရေးမှူးတွေ ပြန်ရွေးရမယ်။ ပြီးတော့ မြို့နယ်/ခရိုင်/တိုင်းနှင့်ပြည်နယ် ကော်မတီဝင်တွေကို ပြန်ရွေးသွားမယ်လို့ ပါတီရဲ့ဗဟိုကော်မတီက ညွှန်ကြားချက် ထုတ်ထားတယ်” ဟု  YPI သို့ပြောသည်။

ယခုလို ရပ်/ကျေး စည်းရုံးရေးမှူးများ မှစတင်ကာ မြို့နယ် ခရိုင် တိုင်းနှင့် ပြည်နယ် စည်းရုံးရေး မှူးနှင့် အမှုဆောင်များ ရွေးချယ်ခြင်းကို လာမည့် မေလ ၂၅ ရက်နေ့မတိုင်မီ အပြီးပြုလုပ်မည်ဟုလည်း နေပြည်တော် ခရိုင်စည်းရုံးရေးမှူး တဦးကပြောသည်။

သို့ဖြစ်၍ ယင်းပါတီ၏ နိုင်ငံအ၀န်းရှိ မြို့နယ်အဆင့်၊ အတွင်းရေးမှူးနှင့် ကော်မတီဝင်ရွေးချယ်ပွဲများကို မေလ(၂၅)ရက်နေ့တွင် ပြုလုပ်သွားမည်ဖြစ်ကြောင်း ပြည်ခိုင်ဖြိုးပါတီ နေပြည်တော်ခရိုင် အတွင်းရေးမှူး ဦးဇော်အောင်က ပြောသည်။


“ရပ်/ကျေးစည်းရုံးရေးမှူးတွေ ပြန်ရွေးတဲ့နေရာမှာ ပါတီရဲ့ အမာခံပုဂ္ဂိုလ်တွေကို ဦးစားပေးရွေးချယ် ပြုလုပ်နေတယ်” ဟု မန္တလေးမြို့နေ ရပ်ကွက် စည်းရုံးရေးမှူး ဦးသန်းဝင်းက ရှင်းပြသည်။


ပြည်ခိုင်ဖြိုးပါတီသည် တစ်နိုင်ငံလုံးတွင် တိုင်းနှင့်ပြည်နယ်၊ ခရိုင်၊ မြို့နယ်ရုံးများ ဖွင့်လှစ်ထားရှိ သော်လည်း ရပ်ကွက်/ကျေးရွာအဆင့် ပါတီရုံးများဖွင့်လှစ်ထားရှိခြင်း အနည်းငယ်သာရှိသည့်အတွက် ယင်းပါတီ၏ ရပ်/ကျေးစည်းရုံးရေးမှူးများ ပြန်လည်ရွေးချယ်ပြီးပါက ဒေသအသီးသီးတွင် ရပ်/ကျေး ရုံးများ ဖွင့်လှစ်လာနိုင်ကြောင်း ယင်းပါတီဝင်များထံမှ သိရသည်။


“ဒီတစ်ခေါက်မြို့နယ်ကော်မတီဝင်တွေကို အောက်ခြေပါတီဝင်တွေက ဆန္ဒပေးပြီးရွေးသွားရမယ်လို့ သိထားတယ်”ဟု အဆိုပါ ပါတီ၏ မန္တလေးမြို့၊ ချမ်းအေးသာစံမြို့နယ်မှ ပါတီဝင်တစ်ဦးကပြောသည်။

အဆိုပါ ရပ်/ကျေးစည်းရုံးရေးမှူးများနှင့် မြို့နယ်ကော်မတီဝင် ပြန်လည်ရွေးချယ်တင်မြှောက်ရန် အတွက် ပါတီ၏ အမာခံအင်အားစာရင်းနှင့် ပါတီဝင်အင်အားစာရင်းများကို ပြန်လည်ပြုစု ပြင်ဆင်ပြီး ဖြစ်ကြောင်း မန္တလေးခရိုင်အတွင်းရှိ မြို့နယ်ကော်မတီဝင်များထံမှ သိရှိရသည်။

ပြည်ခိုင်ဖြိုးပါတီ၏ ယခုလုပ်ဆောင်မှုအပေါ်  အမျိုးသားဒီမိုကရေစီပါတီ ဒုဥက္ကဋ္ဌ ဦးစိုးဝင်းက “ပါတီကြီးတစ်ခုအနေနဲ့ ၂၀၁၅ ခုနှစ်အတွက် အခုကတည်းက ကြိုတင်ပြင်ဆင်တယ်လို့ မြင်ပါတယ်” ဟု သုံးသပ်ပြောကြားသည်။

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီသည် ၂၀၁၀ ခုနှစ်၊ ပြည်လုံးကျွတ်ရွေးကောက်ပွဲ၌ သက်ဆိုင်ရာ လွှတ်တော်အသီးသီးတွင် နေရာအများစုအနိုင်ရရှိခဲ့သော်လည်း ၂၀၁၂ ခုနှစ်၊ ကြားဖြတ် ရွေးကောက်ပွဲတွင်မူ လစ်လပ်မဲဆန္ဒနယ်မြေ (၄၅) နေရာယှဉ်ပြိုင်သည့်အနက် တစ်နေရာတည်းသာ အနိုင်ရရှိခဲ့သည်။
ယင်းသို့ နေရာ အများစုရှုံးနိမ့်ပြီး တလကျော်အကြာတွင် ပါတီ၏ ကော်မတီအဆင့်ဆင့်ရွေးချယ်ပြင်ဆင်မှုများကို ယခုလို  ပြုလုပ်လာခြင်းဖြစ်သည်။

သမ္မတဦးသိန်းစိန်က မေလ ၁၁ ရက်နေ့ သမ္မတရုံး၌ ပြောကြားသည့် မိန့်ခွန်းတွင် “ကြားဖြတ်ရွေးကောက်ပွဲ အတွေ့အကြုံအရ ဒီနေ့ပြည်သူတွေရဲ့ ဆန္ဒက အပြောင်းအလဲကို လိုချင်ပြီး ကျွန်တော်တို့ အစိုးရရဲ့ အောက်ခြေရပ်ကွက် ကျေးရွာ အဆင့်မှ မြို့နယ် တိုင်းဒေသကြီး/ပြည်နယ် မှ ပြည်ထောင်စုအဆင့်ထိ ရှေးယခင် လုပ်ငန်းလုပ်ဟန်တွေကို မကြိုက်တော့ဘူးဆိုတဲ့အနေအထားကို ပြသခဲ့ခြင်း ဖြစ်ပါတယ်” ဟုပြောဆိုသွားသည်။

Yangon Press International

No comments:

Post a Comment

တင်ပြီးသော ပို့ စ်များကို အောက်တွင် Click နှိပ်ပြီးဖတ်ရှုန်ိုင်ပါသည်။